ВЛАДАТА НА РЕПУБЛИКА МАКЕДОНИЈА - ГЕНЕРАЛЕН СЕКРЕТАРИЈАТ/ОГЛАС ЗА ФИНАНСИСКА ПОДДРШКА НА ЗДРУЖЕНИЈА И ФОНДАЦИИ

Опис:                                                                                                        Вкупен буџет: 15.000.000,00 денари
 
Одделението за соработка со невладините организации, е во состав на Секторот за анализа на политики и координација во Генералниот секретаријат на Владата на Република Македонија. Одделението е формирано во ноември 2004 година, како резултат на заложбите на Владата за институционализирање на соработката со граѓанскиот сектор.
Неговото основање значи дефинирање јасна политика на Владата за развој и континуирана соработка со граѓанскиот сектор, за градење на доверба и партнерски однос.

Вид на проекти кои ќе бидат поддржани

Средствата од Буџетот на Република Македонија во вкупен износ од 15.000.000,00 денари, ќе се користат за финансирање на програмските активности на здруженијата и фондациите, преку грантови за програми (проекти) во следниве приоритети:

Опис на приоритет

    - Зголемување на  економскиот раст и конкурентноста на трајна основа, повисока стапка на вработеност, пораст на животниот
      стандард и квалитет на живеење,
    - Интеграција во НАТО и ЕУ, врз основа на остварување на сите реформи и критериуми и решавање на спорот со Грција врз
      принципот на незагрозување на националниот идентитет
    - Продолжување на борбата  против криминалот и корупцијата  и ефикасно спроведување на правото
    - Инвестирање во образованието како најсигурен пат за создавање силни индивидуи и силна држава

Временска рамка

Средствата ќе се доделуваат еднократно и тоа за период до крајот на 2012 година.

Основни организациски критериуми

Основни организациски критериуми кои треба да ги исполнуваат здруженијата и фондациите што учествуваат на овој оглас се:

     1. Да се регистрирани според Законот за здруженија и фондации;
     2. Да спроведуваат активности од минимум една година;
     3. Да се занимаваат со активности и проекти од јавен интерес; и
     4. Да не добиле средства или поднеле пријава од/до друг орган на државната управа или други извори за иста намена и
         активности за кои поднесуваат пријава, а што би значело двојно финансирање на истите активности од различни извори.

Краен рок: 19 Март 2012

За повеќе информации кликнете тука