ТАКСО/ОТВОРЕН ПОВИК ЗА ГРАДЕЊЕ КАПАЦИТЕТ НА ГРАЃАНСКИТЕ ОРГАНИЗАЦИИ

Македонската канцеларија на проектот ТАКСО отвори повик за градење капацитет на граѓанските организации на кој можат да се пријавуваат организации регистрирани согласно Законот за здруженија и фондации, како и други форми на здружување регистрирани согласно други закони.

Организациите треба да се пријавуваат согласно групата на која припаѓаат.

    Група 1 - Организации кои дејствуваат на локално ниво
    Група 2 - Организации кои дејствуваат на национално или на локално ниво
    Група 3 - Млади и нови организации

Области на поддршка

Организациско јакнење кое може да се однесува на:

    - Стратешко планирање;
    - Генерирање фондови;
    - Финансиско управување и планирање;
    - Проектно планирање и управување со проекти;
    - Односи со јавноста и соработка со медиумите и др.

Зајакнување на дејствувањето на организациите може да се однесува на општи области, како:

    - Застапување и лобирање;
    - Истражување и анализа;
    - Учество во креирање политики;
    - Поттикнување активизам и волонтерски ангажман и др.

Конкретните области за секоја од организациите од групите 1 и 2 ќе бидат одредени по индивидуалната оценка на потреби која ќе треба да ги посочи приоритетните теми за таа организација.
За група 3 областите на поддршка ќе бидат одредени по сумарна анализа на прашалниците за утврдување потреби за избраните организации од оваа група.

Програмата за градење капацитет ќе започне во мај 2012 и е планирано да се спроведува до декември 2012 г.

Краен рок: 16 Април 2012

За повеќе информации кликнете тука