Доделените стипендии се однесуваат за усовршување или последипломски студии:
а) Усовршување: времетраењето на стипендиите е 2 години (април 2013 - март 2015 год.)
или 1,5 години (октомври 2013 до март 2015 год.).
б) Последипломски студии- магистратура или докторат, (април или октомври 2013 година).
Првите шест месеци од престојот се посветени на изучување на јапонскиот јазик.
Стипендиите се наменети за усовршување или последипломски студии во следните научни области и дисциплини:
- хуманитарни и општествени науки: литература, историја, естетика, право, политика, економија, комерцијално работење,
педагогија, психологија, социологија, музика , уметност и сл.
- природни науки: инженерство, земјоделство, рибарство, фармакологија, медицина, стоматологија и сл.
Заинтересираните кандидати, треба да ги исполнуваат следните услови:
(1) да се државјани на Република Македонија;
(2) да не се постари од 35 години во времето на отпочнување на престојот во Јапонија;
(3) да се имаат стекнато со универзитетска диплома, или да се пред завршување на студиите
(да дипломираат до март или септември 2013 год.);
(4) да бараат усовршување во својата или сродна научна област;
(5) да се согласни да го изучуваат јапонскиот јазик;
Неопходни документи за конкурирање:
(1) Пријава
(2) Пополнет формулар
(3) образложување на предложената тема (до 600 зборови) на англиски јазик;
(4) CV-куса биографија на англиски јазик;
(5) Фотокопија од дипломата за завршен факултет, со превод на англиски јазик;
(6) Фотокопија од уверението за положените испити со оценки, со превод на англиски јазик (со просечен успех);
(7) (за кандидати од областа на уметноста или музиката) Фотографија на лично изработено дело или снимено музичко дело;
(8) Препорака од универзитетски професор на англиски јазик;
(9) Потврда за работниот однос на англиски јазик (за кандидатите кои се вработени);
(10) Фотокопија од првите две страни на патната исправа;
Сите документи се приложуваат во 3 (три) примероци.
Краен рок: 21 Mај 2012
За повеќе информации кликнете тука