USAID/ЦЕНТАР ЗА ГРАЃАНСКИ КОМУНИКАЦИИ/ПРОЕКТ ЗА ПРИСТАП НА МИКРОПРЕТПРИЈАТИЈАТА ДО ЈАВНИТЕ НАБАВКИ/КООРДИНАТОР НА ПРОЕКТ

Опис на проектот:

Проектот на УСАИД за пристап на микропретпријатијата до јавните набавки е тригодишен проект за зголемување на свесноста на микро и малите претпријатија за можностите што ги нуди пазарот на јавните набавки, снабдување на овие претпријатија со знаење, алатки, вештини и капацитети за тендерските постапки, како и помагање на договорните органи во намалувањето на административните пречки за поголемо учество на микро и малите претпријатија во јавните набавки.

Опис на работното место:

   • Целосна координација, планирање и организирање на проектните активности и средства, обезбедувајќи нивно навремено и
      квалитетно извршување;
   • Обезбедување врска меѓу проектниот тим и засегнатите страни;
   • Следење на напредокот и остварувањата на проектот;
   • Координација со партнерските организации во Велес и Штип;
   • Известување на директорот на проектот за спроведувањето на проектните активности;
   • Менаџирање на секојдневната работа на проектните асистенти.

Потребни квалификации:

   • Високо образование;
   • Најмалку 2 години искуство во координирање на проекти и работење со меѓународни организации и развојни агенции;
   • Соодветно искуство во приватниот сектор ќе се смета за предност;
   • Јасно изразени организациски, комуникациски и управувачки вештини и познавање на домашните прилики;
   • Течност во изразувањето на Македонски и Англиски јазик (зборување, читање и пишување);
   • Компјутерска писменост, вклучувајќи познавање на работа со софтвер како MS Office Suite (Word, PPR Excel, etc.);
   • Способност за патување и теренска работа низ цела Македонија;
   • Возачка дозвола за автомобил;
   • Македонско државјанство.

За да се пријавите:

Испратете биографија, мотивациско писмо и две препораки преку електронска пошта на: ccc.macedonia@gmail.com најдоцна до 20 мај 2012 година.

Краен рок: 20 Мај 2012