ALB/ ORGANIZATAVE SHQIPTARE TË SHOQËRISË CIVILE U JEPEN 1.5 MILIONË EURO NË MBËSHTETJE TË NISMAVE QYTETARE DHE NDËRTIMIT TË KAPACITETEVE

  www.eeas.europa.eu- Instrumenti i Asistencës Para Anëtarësimit (IPA) ka dhënë dhjetë grante
  me një shumë të përgjithshme prej 1.5 milionë Euro përmes financimit të Institucionit të
  Shoqërisë Civile për organizata të ndryshme shqiptare të shoqërisë civile me synim forcimin e
  nismave qytetare, ndërtimin e kapaciteteve dhe afrimin e vendit me standardet e Bashkimit
  Evropian (BE).
  Kontratat për grantet e financuara nga IPA në mbështetje të Organizatave të Shoqërisë Civile u
  bënë sot të njohura në një veprimtari publike me pjesëmarrjen e përfaqësuesve të Delegacionit
  të BE-së, përfituesve të granteve dhe medias. BE-ja i jep rëndësi të madhe pjesëmarrjes së
  shoqërisë civile në politikëbërje dhe në vendimmarrje, si një domosdoshmëri për një shoqëri të
  drejtë dhe demokratike. Mbështetja e BE-së për shoqërinë civile siguron forcimin e kapaciteteve
  dhe përgjegjshmërisë që garantojnë një rol të qëndrueshëm të organizatave të shoqërisë civile 
  në procesin demokratik.


                                                                                     Për më shumë informacion kliko këtu