ALB/ “ARTVISION”, PROJEKTE ME VËMENDJE NGA ARTIT BASHKËKOHOR

www.sot.com.al Mbledhja e dytë e Komitetit Drejtues të Projektit “ArTVision”, financuar nga
 Programi IPA Adriatik Corss Border 2007-2013 dje në ditën e parë të saj në Ministrinë e
 Kulturës pati shumë vëmendje. Ky projekt ka strukturuar e integruar një partnership të
 përbërë nga partnerë institucionalë e teknikë në 4 shtete dhe sipas të pranishmëve, objektivi
 kryesor i  projektit është mbështetja dhe promovimi i artit bashkëkohor përmes përdorimit
 strategjik të komunikimit dhe punës në rrjet ndërkufitar.

 Sipas të pranishmëve, buxheti për aktivitete në ndihmë të talenteve arrin shifrën 1.4
 miliardë euro, për artistë të rinj shqiptarë dhe të huaj që do të jenë pjesë e tyre.

 “ArTVision” është një projekt që ka si përparësi strategjike novacionin në komunikimin kulturor
 ndëraktiv dhe ndër-institucional ndër gjithë vendet e Adriatikut dhe ato evropiane. Objektivi
 është t’u japë vizibilitet më të madh veprave të realizuara në nivel lokal dhe që karakterizohen
 nga një vlerë e lartë komunikuese në nivel ndërkombëtar, për t’i bërë ato të aksesueshme për një publik të gjerë. Sot është dita e dytë e këtij
 takimi ku në mbarim të tij nga Ministria e Kulturës do të dilet me një deklaratë shtypi për të bërë të ditur më shumë detaje mbi projektet dhe
 financimin  e tyre.

Lexoni lajmin e plotë këtu