ALB/ NË PROJEKTE KANALIZIMESH NJË MILION EURO

Në fshatrat dhe lagjet e qytetit në Podujevë ka vazhduar realizmi i projekteve në ndërtimit e
 rrjetit të kanalizimit fekal. Për ndërtimin e rreth 60 km rrjet të  kanalizimit gjatë këtij viti
 Komuna e Podujevës ka ndarë një buxhet prej një milion euro.  

 Drejtori i DSHPMSH, Faik Muçiqi, tha se tashmë kanë filluar punimet në vazhdimin e
 projekteve dyvjeçare, në ndërtimin e kanalizimit në disa fshatra, realizmi i të cilave ka filluar
 vitin e kaluar.

 “Tashmë kanë filluar punimet dhe jemi në fazën e realizmit të projekteve dy vjeçare në
 Llapashticë të Epërme dhe Llapashticë të Poshtme në gjatësi prej rreth 25 km. Edhe në dy
 projekte të tjera, realizimi i të cilave ka filluar vitin e kaluar,  Dumnicë e Poshtme dhe Pakashticë
 –Revuç, janë duke vazhduar punimet në ndërtimin e kanalizimit në një gjatësi prej 20 km”, tha
 drejtori Muçiqi, duke bërë të ditur se punët janë duke u realizuar sipas dinamikës së planifikuar.

Muçiqi tha se janë në procedurë të prokurimit për fillimin e punimeve në ndërtimin e kanalizimit në fshatin Buricë (3.7 km.) dhe kanalizimi në dy rrugët e qytetit( rreth një km), në Katunishtë  (lagjet Igrishtët dhe Kullakët), Bellopojë (lagjet Sfarça dhe Begolli)...(link)