ALB/ MINISTRIA E DREJTËSISË PËRFITON NGA PROJEKTI I BINJAKËZIMIT TË IPA 2012

Zëvendësministri në detyrë i Drejtësisë, Abdyl Ymeri, të martën ka marrë pjesë në hapjen e
 Projektit të Binjakëzimit të IPA 2012 me temë “Fuqizimi i Shërbimit Korrektues dhe
 Sprovues të Kosovës”, projekt ky i financuar nga Zyra e Bashkimit Evropian i cili ka për
 qëllim të forcojë menaxhimin efektiv dhe efikas të Shërbimit Korrektues (SHKK) dhe
 Shërbimit Sprovues të Kosovës (SHSK).

 Ymeri tha se Zyra e BE-së ka qenë një ndër partnerët kryesorë të Ministrisë së Drejtësisë
 në realizimin e një sërë projektesh qëllimi i të cilave përgjithësisht ka qenë rritja e
 efikasitetit në punë si dhe forcimi i sundimit të ligjit në përgjithësi.

 “Ky projekt është i rëndësishëm jo vetëm për SHKK dhe SHSK, por për tërë sistemin e
 drejtësisë. Sa herë mendohet për drejtësinë dhe luftimin e kriminalitetit fokusi qendror
 i jepet punës së prokurorive dhe gjykatave në ndjekjen dhe dënimin e kriminelëve. Por SHKK dhe SHSK janë hallka kyçe e sistemit të drejtësisë me të cilat kompletohet hierarkia e drejtësisë së një vendi. Nuk mund të ketë sistem të drejtësisë efikas pa një Shërbim Korrektues efikas i cili kontribuon në rehabilitimin dhe ri-integrimin e të dënuarve pas përfundimit të dënimit”, ka thënë Ymeri.

Në hapjen e këtij projekti ka marrë pjesë, Udhëheqësi i Sektorit për Bashkëpunim nga Zyra e BE-së, Christof Stock, Zëvendësambasadorja e Francës, Lise Moutoumalaya si dhe Udhëheqësi i Projektit të Binjakëzimit, Peter Best të cilët theksuan rëndësinë e zbatimit të këtij projekti i cili sipas tyre ka për qëllim ngritjen e kapaciteteve dhe zbatimin e praktikave më të mira të BE-së në fushën e shërbimeve korrektuese dhe sprovuese brenda strukturave përkatëse në Kosovë, sigurimi i nevojshëm i sistemeve të menaxhimit të të dhënave si dhe përmirësimin e lidhjes së planeve dhe programeve për ri-integrim dhe ri-socializim...(link)